1. Hasiera
  2. Hemeroteka
  3. Elkarrizketa
  4. IKASENPLEGU-Ikaslan Bizkaiaren Laneko Bitartekaritza Zerbitzua

IKASENPLEGU-Ikaslan Bizkaiaren Laneko Bitartekaritza Zerbitzua

IkasEnplegu Laneko Bitartekaritza Zerbitzuko arduradun Marian Berrocalek zehatz-mehatz azaldu digu IkasEnplegu zer den eta zein abantaila eskaintzen dizkien ikasleei, LHko ikastetxeei eta erdi- eta goi-mailako teknikari talentudunak bilatzen dituzten enpresei.

MarianZer da IkasEnplegu?

IkasEnplegu Ikaslan Bizkaiaren laneko bitartekaritza zerbitzua da. Bere lan-poltsa propioa du, eta lagundu egiten die enplegua aurkitu edo beren ibilbide profesionala hobetu nahi duten ikasle eta tituludunei. Enpresentzat ere aliatu garrantzitsua da beren produkzio-beharrekin bat etorriko diren profesionalak hautatzeko orduan.

Enpresei, LHko ikastetxeei eta ikasleei bitartekaritza-zerbitzu bat emateko helburuarekin sortu zen IkasEnplegu.

Nor dago IkasEnpleguren atzean?

Ikaslan Bizkaiko langileak; zehazki, Ainhoa García eta ni neu, arduradun gisa. Guk zuzentzen eta kudeatzen dugu zerbitzua. Biok dugu esperientzia zabala laneko bitartekaritzaren eta langileen hautaketaren arloetan.

Zenbat denbora darama martxan?

Bi urte.
Lehen fasean, Lanbideko kolokazio-agentzia gisa eman genuen alta, eta Ikaslan Bizkaiaren sistemetan integratu genuen plataforma teknologiko bat sortu genuen.
Hori oinarritzat hartuta, gure helburua da LHko ikastetxeetako ikasle eta ikasle ohien CV kopurua handitzea; hau da, enplegua aurkitu edo beren ibilbide profesionala hobetu nahi duten pertsonen profil gehiago eskuratzea. Aldi berean, “giltza eskuan izanda” zerbitzuaren berri ere ematen diegu enpresei. Langileen beharra hautematetik lanposturako hautagairik egokiena aukeratzera bitarteko izapide guztiak hartzen ditugu gure gain, baita laguntzak eskatzea ere, horrelakorik badago.

Nola sortu zen ekimen hau? Zer behar estali nahi du?

Ideia enpresen langile-eskaerak Lanbide Heziketako zikloak eta/edo Profesionaltasun Ziurtagiriak eskaintzen dituzten ikastetxeetara iristen zirelako sortu zen.

Zer ematen du IkasEnpleguk LHko ikastetxeen lan-poltsa propioen aldean?

Alde batetik, IkasEnpleguk enplegu-eskaintzaren kudeaketa osoa eskaintzen du. Berrikuntzari handiena LH publikoan egiten duen sare-lana da. Ikaslan Bizkaiak kudeatzen duen lan-poltsa bat denez, espezializazio-arlo guztietako eskaintzei erantzuten zaie. Hori da gure konpromisoa.

Zertan laguntzen die IkasEnpleguk LHko ikastetxeei?

Ikastetxeek eta irakasleek zama handiko lanaldiak izan ohi dituzte, eta, horregatik, ezin izaten dituzte lan-poltsak kudeatu eta iristen zaizkien eskaintzei erantzun. IkasEnplegun laguntzeko eta hainbat arrazoigatik estaltzen ez dituzten edo estali ezin dituzten beharrak kudeatzeko gaude.

Zein puntutaraino esku hartzen du IkasEnpleguk lanpostu baterako hautagaiak bilatzeko fasean?

Batetik, gure tresnari esker, posible da lan-poltsan izena emanda dauden pertsona guztiak aurkeztea argitaratutako lan-eskaintzetara.
Bestetik, bilaketa bat egiten dugu lan-poltsan ditugun CVen artean, profilak eskaintza bakoitzaren ezaugarrien arabera hautatuz.
Gainera, sare sozialak ere erabiltzen ditugu oihartzun kolektibo handiagoa lortzeko.

Nork eman dezake izena IkasEnplegun?

IkasEnpleguk aktiboki lan bila edo beren lan-baldintzak hobetu nahian dabiltzan guztien CVak jasotzen ditu. Ez da ezinbestekoa langabezian egotea. Eta, nola ez, doako lan-poltsa da.

Zer onura ematen die IkasEnpleguk enpresei?

Gure lan-poltsa erdi- eta goi-mailako profil teknikoetan espezializatuta dago, Lanbide Heziketako titulatuetan. 86 heziketa-ziklo ematen dituzten 27 ikastetxe ditugu gure sarean, eta, beraz, enpresek eskaintzen dituzten lanpostuekin eta dituzten beharrekin bat etor daitekeen hautagai kopuru handia dago.
Gainera, sarritan Txandakako LH Dualean parte hartu izan duten pertsonen bila dabiltza, eta gure zerbitzuak baditu datu horiek.
Azkenik, azpimarratu nahi dut IkasEnplegu laneko bitartekaritza-zerbitzu profesionala dela. Ondo ezagutzen dugu enpresa-mundua, bai eta gure ikastetxeek zer nolako profil teknikoak prestatzen dituzten… Horregatik, kontratazio-beharrei eraginkortasun handiz erantzuten diegu.

Zein izan dira IkasEnpleguk hiru urte hauetan lortu dituen emaitzak?

  • Kudeatutako enplegu-eskaintzak: 845.
  • Kontratazioak: 481.
  • IkasEnplegu lan-poltsan inskribatutakoak: 967.

Zein profil mota eskatzen dute enpresek, batez ere?

Azken hilabeteotan administrazioarekin, osasunarekin, mantentze-lanekin eta fabrikazio mekanikoarekin zerikusia duten profilak izan dira eskatuenak.

Eta IkasEnplegun inskribatutakoen artean, zein da profilik ugariena?

Gehienak administrazio-arlokoak dira.

CENTROS FP IKASLAN BIZKAIA

1-zornotza
2-barrutialde
Logo-construccion-arrigorriaga-prefooter
4-nicolas-larburu
Logo-bidebieta-basauri-prefooter
6-elorrieta
Listado-prefooter-campuzano
8-eskurtze
9-txurdinaga
Nautica-bermeo
11-derio
12-tartanga
Actualizacion-logo-ostalaritza-prefooter-039-17
Fpandramari-prefooter
Logo-fadura-2018-prefooter
Iurreta-logo126
17-hosteleria-leioa
19-mungia
Logo-angelafiguera-sestao5
21-repelega
22-san-jorge
23-saturnino
Kirolene-prefooter
25-lekeitio
Listado-ies-juan-antonio-zunzunegui-bhi
Listado-ies-barandiaran-bhi
Listado-ondarroa-bhi
Ikaslan Bizkaiak cookie propioak eta hirugarrenenak erabiltzen ditu, webguneak ondo funtzionatu dezan, erabiltzaileak webguneko edukiak behar
bezala ikusi ditzan eta estatistikak biltzeko.
Nolanahi ere, cookie-en konfigurazioa edonoiz alda dezakezu. Informazio gehiago nahi izanez gero, egin klik hemen.

[Onartu]