Lanbide-heziketako ikasketetarako sarbidea izango dute Hezkuntzari buruzko maiatzaren 3ko 2/2006 Lege Organikoaren 41. artikuluan  zehaztutako eskakizunak eta abenduaren 9ko 8/2013 Lege Organikoaren hirugarren xedapen gehigarrian xedatua betetzen dituzten pertsonek.

Erdi-mailako  zikloetara  sartzea  ahalbidetzen  duen  Derrigorrezko  Bigarren  Hezkuntzako Graduatu titulurik edo bestelako titulurik edo ikasketarik ez duten eta ziklo horiek ikasi nahi dituzten pertsonentzako dira proba horiek.

Gutxienez 17 urte beteak izan behar dira proba egiten den urtean berean.

Goi-mailako  zikloetara  sartzea  ahalbidetzen  duen  Batxilergoko  titulurik  edo  goi-mailako zikloetara sartzea ahalbidetzen duen bestelako titulurik edo ikasketarik ez duten eta ziklo horietako bat ikasi nahi duten pertsonentzako dira proba horiek.

Gutxienez 19 urte beteak izan behar dira proba egiten den urtean berean.

Izena emateko epea ireki da erdi mailako zikloetako sarbide probetarako, erregimen bereziko irakaskuntzakoak Kirol Teknikarien titulazioetarako, ondorengo espezialitateetan:

• Mendiko kirolak eta eskalada
• Neguko kirolak
• Futbola eta areto futbola
• Eskubaloia
• Saskibaloia
• Hipika
• Atletismoa
• Bela aparailuarekin
• Urpeko igeriketa eskafandrarekin
  

Eskatzen den titulazio akademikoa ez dutenentzako, Hezkuntza, Hizkuntza Politika eta Kultura Sailak Prestakuntza Zikloetara sartzeko probaren deialdia iragarriko du, urtean behin.

Proba  hori  egin  ahal  izateko,  I.  eranskinean  jasota  dauden  ikastetxeren  batean  eman beharko dute izena, 2018ko urtarrilaren 8tik 19ra –biak barne– bitartean, Hezkuntza Sailak horretarako jarri duen aplikazio informatikoaren bitartez.

• Onartutakoen  behin-behineko  zerrenda  –azterketa-eskubideak  ordaindu  aurrekoa: 2018ko urtarrilaren 29an.
• Proba egiteko onartutakoen behin betiko zerrenda –azterketa-eskubideak ordaindu aurrekoa: 2018ko otsailaren 23an
• 2018ko martxoaren 2an izango da azterketa-eskubideak ordaintzeko azken eguna
• Proba  egiteko  onartutakoen  behin  betiko  zerrenda,  azterketa-eskubideak  ordaindu  ondorengoa, 2018ko martxoaren 9an

Deialdi honen inguruko guztia ikastetxe bakoitzak argitaratuko du, berak zehaztuko dituen bitartekoak erabiliz, onarpen-prozesuari dagokiona izan ezik; onarpen-prozesuari buruzko informazioa ww.hezkuntza.net ó www.euskadi.net/fp-lh webgunean ere argitaratuko da.

Azterketa-eskubideak ordaindu ondorengo onartutakoen behin betiko zerrendan zehazten den tokian egingo da proba.

Behin-behineko emaitzak: 2018ko martxoaren 16an

Behin betiko emaitzak: 2018ko apirilaren 20an, 12:00etan