- Hasiera
- Zergatik LH
Zergatik Lanbide Heziketa?
Bai langabezian, lanean edota ikasten bazaude ere, Ikaslan Bizkaiak lagunduko dizu zure bidea egiten. Eta horretarako, gertu daukagu une bakoitzerako prestakuntza aproposa.
Ikasten
- DBHko, Batxilergoko zein Unibertsitateko ikaslea zarela, Lanbide Heziketak hainbat alde on ditu zuretzat, lan-merkatuan oso kontuan hartzen den goi mailako prestakuntza ematen baitu.
- 23 lanbide-arloren artean aukera dezakezu.
- Bi titulazio izango dituzu eskueran: Teknikaria eta Goi Mailako Teknikaria.
- Goi mailako Lanbide Heziketak, Unibertsitatean sartzeko aukera eman ez ezik, karrera egiteko oso baliagarriak izango zaizkizun oinarri teknikoak eskainiko dizkizu.
- Ikasketak beste jarduera batzuekin batera egin ditzakezu Eskaintza Partzialari esker. Azken modalitate honetan, moduluak (irakasgaiak) banan-banan egiteko aukera duzu, baita Urrutiko Heziketa Telematikoan izena emateko ere, urrutiko eta aurrez aurreko klaseak tartekatuz.
- Gainera, enpresetan praktiketan aritzeko aukera izango duzu. Lanbide Heziketako ikasleen artean, % 80 sartzen da zuzenean lan-munduan.
- Halaber, beste herrialde batzuetako enpresetan egin ahal izango dituzu praktikak, Leonardo Da Vinci eta Erasmus egitarauei esker.
- Orobat baliatu ahal izango dituzu Urratsbat eta Eje programak, zuk zeuk enpresa bat sortu nahi baduzu, ekimenean lagunduko dizutenak.
Lanean
Lanpostu bat duzula zein ez duzula -batez ere, baldin ez baduzu-, aukera ezin hobea duzu Lanbide Heziketa. Izan ere, zure prestakuntza eguneratzen edota areagotzen lagunduko dizu. Eta ez hori bakarrik, dagoeneko badituzun ezagutzak eta esperientzia bermatuko dituen titulu bat eskuratzeko baliagarria izango baitzaizu eta, beraz, lan-baldintza berriak eta hobeak lortzeko aukera emango baitizu.
Jardunean dauden langileak
Hobetuz-ek prestakuntza-ikastaroak ematen dizkie langileei, hurrengo bi aukeren bitartez:
- Denentzako eskaintza: Langileentzako doako prestakuntza.
- Modulu katalogoa: Lanbide-prestakuntza lortzeko beharrezkoak diren hezkuntza edukiak, oinarrizkoak eta berariazkoak. Doako prestakuntza.
Langabezian
Lanik ez baduzu, Lanbide Heziketak aukera paregabea eskaintzen dizu egunean jartzeko, ikasten jarraitzeko edota aurretik dauzkazun ezagutzak eta esperientzia bermatuko dituen titulu bat eskuratzeko; hori guztia, lan aukera berriak eta hobeak izan ditzazun.
Langile langabetuak
Hobetuzek eta Lanbidek langileentzako prestakuntza ikastaroak eskaintzen dituzte, ondoko bi ibilbide hauen bitartez
- Hezkuntza-jarduera multzoa sortu da Lanbide Heziketa berariazkoa ez duten langile langabetuentzako, edo prestakuntza nahikoa ez dutenentzako. Ikastaro hauekin, ekoizpen sistemak eskatzen dizun prestakuntza jasoko duzu, baita behar duzun lan-esperientzia ere, enpresetan zuzeneko praktikei esker.
- Prestakuntza-jarduera hauen iraupena ikastaroaren araberakoa izango da. Diruz lagundutako ikastaroak dira, eta Lanbide-prestakuntzako ikastegietan eta zentro laguntzaileetan emango dira. 2013-2014ko Eskaintza (2,04 Mb)
- Horretaz baliatzeko, nahitaezkoa da enplegu-bulego batean -Enplegu Zerbitzuan (Lanbide) izena ematea.
CENTROS FP IKASLAN BIZKAIA
Ikaslan Bizkaia
Ikaslan Bizkaia irabazi-asmorik gabeko elkartea da, Bizkaiko Lanbide Heziketako 27 Ikastegi Publikok osatzen dutena. Maila handiko irakasleak daude elkartean, eta bere helburu nagusia irakaskuntza modernoa eta kalitatekoa ematea da, gaur egungo lan-merkatuaren beharrekin bat datorrena. Era berean, gure xedeen arteko garrantzitsuenetako bat ikasleon giza-heziketa da.
Ez itzazu galdu
Esteka interesgarriak
Harpide INFOIKASLAN
