Ikastaroetan izena emateko, ezinbesteko baldintza da dagokion espezializazioarekin lotura zuzena duen LHko titulua izatea. Prestakuntzaren iraupena 990 ordukoa da; hau da, ikasturte akademiko bat.

Espezializazio-ikastaroak bi mailatan daude banatuta, eta sartzeko eskatzen den titulazioaren araberakoak dira. Gauzak horrela, erdi-mailako teknikariek 2. mailako espezializazio-ikastaroak egin ahal izango dituzte eta goi-mailako teknikariek, aldiz, 2. eta 3. mailakoak. Edonola ere, garrantzitsua da berriz ere azpimarratzea ikastaroak egiteko egiaztatu behar den titulazioak lotura izan behar duela dagokion espezializazio-ikastaroarekin.

Ikaslan Bizkaia sareko ikastetxeetan 2021-2022 ikasturtean eskainiko diren espezializazioak

Artisau-okintza eta -opilgintza.

Ikastaroari lotutako titulazioak:

• Elikagaiak merkaturatzea.
• Sukaldaritza eta gastronomia.
• Sukalde-zuzendaritza.
• Okintza, gozogintza eta konfiteria.

Ikastaroari lotutako titulazioak:

Produkzio-beharrizan errealei erantzuten dieten ezagutza aurreratuak

Espezializazio hauen helburua da titulatuen profila eguneratzea eta hobetzea, aukera izan dezaten kualifikazio handiagoa eta gai zehatzei buruzko ezagutza aurreratuak eskatzen dituzten lanpostuak eskuratzeko. Gainera, lan-merkatuaren beharrizan errealei erantzuten diete, eta, beraz, nabarmen handitzen da ikastaroa egiten dutenen enplegagarritasuna.

Produkzio-ehunak gero eta profil kualifikatuagoak behar ditu 4.0 industriarako eta gure lurraldea hazteko gako-sektoreetarako. Ildo horretan, Lanbide Heziketak urteak daramatza esparru akademikoa enpresen produkzio-dinamika errealetara gerturatuko dituzten eduki, metodologia eta prestakuntza-ereduak garatzen. Espezializazio-ikastaroak lan-jardunaren espezifikotasunaren alde egiteko azken apustua dira, LH ikasten dutenek nahi dutena izatea lor dezaten.