Nazio Batuen Batzar Nagusiak ezarritako Garapen Jasangarrirako Helburuak betetzea xede, proiektu propioak eta beste erakunde batzuekin lankidetzan aritzeko proiektuak garatzea ezinbestekoa da Ikaslan Bizkaiarentzat.

Ekimen honei esker, erakunde laguntzaileekin eta gure ikastetxe-sarearekin ditugun harremanak estutzen ditugu, bidezkoa eta berritzailea den LH baterantz abiatzeko lankidetza sustatzen dugu, eta jardunbide egokien trukearen bidez beste erakunde batzuek erabiltzen dituzten metodologiak ezagutzen ditugu.

#Me#Us#Now

(2022-2024)

Klima-aldaketaren aurkako baliabideak garatzeko proiektu europarra, Erasmus+ programaren barruan dagoena eta Lanbide Heziketan eta haren hezkuntza-programetan balio jasangarriak eta berdeak ezartzeko helburua duena.

A European project within the Erasmus+ programme for the development of resources against climate change, aimed at implementing sustainable and greener values in the VET sector and its curricula.

WISE (Working in Soft Skills for Employment)

(2020- 2023ko iraila)

Enplegurako trebetasun sozialak batez ere Lanbide Heziketaren hasieran transmititu nahi dituzten lanbide-heziketako erakundeek jardunbide egokiak trukatzera bideratutako jarduera bat da.

It is an exchange of best practice between Vocational Education and Training bodies that are looking for ways to impart soft skills for employment, particularly at the beginning of Vocational Education and Training courses.

GIZALEADER (Garapen profesionalerako, zeharkako gaitasunak eta lidergo-gaitasunak hobetzea)

(2019-2021)

LHko ikasleei akonpainamendua egiteko prozedura bat lortzera bideratuta dagoen programa da. Horren bidez, beren ibilbide profesionala bizitza osoan zehar kudeatzen lagundu nahi zaie. Alabaina, lan hori egiteko, ezinbestekoak dira perspektiba, dedikazioa, motibazioa eta konpetentziak. Horregatik, proiektuaren helburuak bi dira: alde batetik, zeharkako gaitasunen inplementazioa eta egiaztapena indartzea, eta, bestetik, ikasleei eta titulatuei beren garapen profesionalean lidergo eraginkorragoa izaten lagunduko dieten tresnak ematea, inguruneko enpresen laguntzarekin.

IkasEnplegu – LHren Laneko Bitartekaritza Zerbitzua

(2018tik)

IkasEnplegu – Laneko Bitartekaritza Zerbitzuaren helburua da Lanbide Heziketako ikasleen laneratzea erraztea, horretarako prestakuntza-ibilbideei buruzko orientazioa emanda eta Lanbide Heziketako profiletan espezializatutako lan-poltsa kudeatuta.

Space 4 CoCreate

(2016-2018)

LHko hornitzaileen eta enpresa-erakundeen arteko lankidetzarako espazio ireki eta berritzaileak.

Open and Innovative Spaces for collaborative working between VET providers and Business Organizations.

Itai

(2016)

EAEn eskaintzen diren Lanbide Heziketako ziklo guztiei erreparatuta, ikastetxe bakoitzean dauden plazak, sartzeko notak, hizkuntza-eredua eta eskaera kopurua kontsultatzeko online tresna.
Ikaslan Bizkaiak sustatu eta Zornotza LHIIko Web Aplikazioen Garapena zikloko ikasleek gauzatutako proiektua da.

Eman bizitza

(2015etik)

Euskadiko Odol Emaileen Federazioaren hitzarmenaren bitartez, urtero sustatzen eta bultzatzen da odol-ematea sareko Lanbide Heziketako ikastetxeetan.

STEAM LH

(2021- 2025)

Bokazioak sustatzen. STEAM LH” proiektuaren helburua da STEAM diziplinak osatzen dituzten arloekiko (zientzia, teknologia, artea eta matematikak) interesa sustatzea ikasten ari diren neska gaztetxoenen artean.

The project “Creating vocations. STEAM LH” aims to generate interest in the STEAM subjects (science, technology, art, and mathematics) among younger schoolgirls.

Creo (The Cultural and Creative Occupations)

(2018- 2020)

Kulturaren eta sormenaren arloko lanbideak: industria tradizionalentzako aukera berriak.

The Cultural and Creative Occupations: New opportunities in the traditional industries.

Ikaslan Bizkaiaren Berdintasun Plana

(2019)

Ikaslan Bizkaiaren egituran emakumeen eta gizonen arteko aukera-berdintasuna bermatzeko plana.

Datu pertsonalen kudeaketa LHko ikastetxeetan

(2018)

EDatu Pertsonalak Kudeatzeko eta Babesteko Gida bat prestatzea, Lanbide Heziketako ikastetxeen idiosinkrasiara eta Datu Pertsonalak Babesteko Europako Erregelamendura (DBEO) egokituta.


Ikaslan Bizkaiak PRIBATUA-Pribatutasun eta Informazio Segurtasuneko Euskal Elkartearen lankidetzarekin sustatutako proiektua da.

PyreneFP

(2016-2019)

Frantziako, Andorrako eta Espainiako mugan garapen jasangarria sustatzeko lankidetza-proiektua (POCTEFA 2014-2020 proiektuaren esparruan). Lanbide Heziketaren esparruan, garrantzi berezia ematen zaie mugaz gaindiko mugikortasunei, enpleguari eta prestakuntzari lotutako ekimenak garatzeari, eta Pirinioen ardatzeko eskualdeetan informazio- eta aholkularitza-zerbitzuak indartzeari.

EmakumeakEre

(2015etik)

Emakumeen eta gizonen berdintasunaren aldeko urteko kanpaina. Urtero egiten zaie gonbita LHrekin harremana dutenei emakumeek eremu sozial eta ekonomiko guztietan duten integrazioa baloratzeko, ikusarazteko edo horren inguruan duten iritzia emateko. Gogoeta horiek guztiak publiko egiten dira sare sozialetan “#EmakumeakEre” traolaren bitartez.
Ekimen hori Emakundek urtero sustatzen duen Emakumeen eta Gizonen Berdintasunerako Gunearen baitan antolatzen da.

Erasmus +

(2007tik)

Ikasleen eta irakasleen nazioarteko mugikortasuna.

PRALINE (Promoting Adult Learning in Networks)

(2021- 2024)

PRALINE proiektuak bermatu egingo du heziketaren esparruko jardunbiderik egokienak trukatzen direla. Ez hori bakarrik, zeharka, gizarteratzea ere lortu nahi du.

PRALINE will ensure the exchange of best practice in education, with social inclusion being a cross-cutting objective.

Ditoga (Digital tracking of VET)

(2018- 2021)

LHko titulatuen jarraipen digitala autoanalisirako aplikazio baten bitartez egitea, lanbide-heziketako eta hezkuntza-prestakuntzako programen kalitatea eta jasangarritasuna hobetzeko helburuarekin.

Digital tracking of VET graduates via auto-analytics to enhance the quality and sustainability of vocational and educational training programmes.

Dokumentuen digitalizazioa

(2018)

Ikaslan Bizkaiaren bulego teknikoak dokumentuen kudeaketa egiteko dituen prozesuak euskarri digitalera bihurtzea, transferitutako datuen konfidentzialtasuna eta dokumentu horien erregistro eta jakinarazpenen legezko balioa bermatuta.

FP Parke

(2017tik aurrera)

Ikaslanek, Hetelek eta Euskadiko Parke Teknologikoen Sareak antolatutako ekimena da, ikasle gazteen artean bokazio zientifiko-teknologikoak sustatzearen aldeko apustua egiten duena. LHko 100 ikastetxek eta Baizkaiko, Arabako eta Gipuzkoako 580 enpresa baino gehiagok ekitaldi bat antolatzen dute urtero, ikaslegoari produkzio-sarearen errealitatea erakusteko.

Osalane (Lanpostuetan osasun fisikoa zaintzea eta mantentzea)

(2016-2017)

Lanpostuetako osasun fisikoa mobilizazio-errutinatxoak eginez zaintzeko eta mantentzeko online aplikazioa.
Ikaslan Bizkaiak sustatu eta Fadura LHIIko Jarduera Fisikoak eta Kirolak zikloko ikasleek gauzatutako proiektua da.

Ikastxapelketa

(2015etik)

Ikastetxeen arteko Urteko Eskupilota Txapelketa. Kirola egiteko gune bat emateaz gain, aukera bikaina da Ikaslan Bizkaia sareko Lanbide Heziketako ikastetxeak osatzen dituzten pertsona guztien (irakasleak, ikasleak eta irakasleak ez diren langileak) harreman pertsonalak eta profesionalak sustatzeko.

Prestakuntza-eskaintza appa

(2014)

EAEko prestakuntza-eskaintzari buruzko informazio guztia jasotzen duen aplikazio mugikorra: ikastetxeak, lanbide-arloak, erdi-mailako eta goi-mailako zikloak, urrutiko prestakuntza, prestakuntza partziala eta beste gaikuntza-programa batzuk. Ikaslan Bizkaiak sustatu eta Tartanga LHIIko Informatika eta Komunikazioak zikloko ikasleek gauzatutako proiektua da.