Women in Industry (WIN) hitzaldi-programa, irabazi-asmorik gabeko Professional Women’s Network Bilbao elkarteak antolatutakoa, aste honetan BECen ospatzen ari den Nazioarteko Makina-Erremintaren BIEMH-Bienalean sartu da lehen aldiz, enpresen eta industriaren esparruan genero-berdintasuna sustatzeko helburuarekin.
Industriako langileen % 24 bakarrik dira emakumeak. Datu hau Natalia Maesok, WINeko Marketin eta Ekitaldien arduradunak, azpimarratu du elkarrizketa batean BIEMHren 31. edizioan, aurten 28 herrialdetako 1.700 enpresa erakusketari baino gehiago izango dituena. Topaketa hau Women in Industry-ren hitzaldiak eta mahai-inguruak hartzen dituen lehena da. Jarduera horien helburua enpresa-sarean eta, zehazki, industria-sarean generoaren arloan dauden erronkei buruz eztabaidatzea da.
Ikaslan Bizkaia, emakume liderren bila
Bihar, “Industriarako emakume liderrak prestatzea” hitzaldia izango da, eta Celia del Anca Enpresa Institutuko (IE University) Aniztasun Zentroko zuzendariak emango dio hasiera. Jarraian, Teresa Laespadak, Enplegu, Gizarteratze eta Berdintasuneko foru diputatuak, mahai-inguru bat aurkeztuko du, PWN Bilbaoko Mentoring arduradun den Rut Martínezek moderatuko duena, eta industria-sektoreko prestakuntza eta enplegagarritasuna ardatz izango dituena. Eztabaida-taldeak Ikaslan Bizkaiko koordinatzaile den Alba Estanyolen parte-hartzea izango du, LHko ikastetxe publikoen elkarteak enpresa-sarean genero-berdintasunarekin duen konpromisoaren barruan.
Gaur hasi dira WIN hitzaldiak, honako hauen aurkezpenekin: Juan Mari Aburto, Bilboko alkatea; Ana Andueza, PWN Bilbaoko presidentea; Xabier Basañez, BECeko zuzendari nagusia; eta José Pérez, AFM Clusterreko presidentea (Advanced Manufacturing Technologies), BIEMH antolatzen duen enpresen elkartea. Horrez gain, mahai-inguru bat egin da, eta bertan Ibermática, IBM, ZIUR, Kutxabank edo Accenture bezalako enpresetako emakume ordezkariek parte hartu dute, Arantxa Tapia Eusko Jaurlaritzako sailburuarekin batera, eta industriaren erronka teknologikoak jorratu zituzten.
Women In Industry-ren gaurko jarduerak 10:00etatik aurrera izango dira, BECeko WorkInn-eko Learn gunean. Zentro honek lankidetza-hitzarmena sinatu zuen PWN elkartearekin joan den otsailean, eta beren helburu komuna lan-eremuan emakumearen aurrerapena sustatzea dute. Ikaslan Bizkaiak eskerrak eman nahi dizkio PWNri 2022ko Bienalean egindako hitzaldi hauetan parte hartzeko gonbidapenagatik, eta ekimen honek STEAM eremuetan eta industria-enpresetan emakume gutxi egoteari irtenbideak bilatzeko ematen dion bultzada aitortzen du.
