LHko heziketa-zikloetan sartzeko baldintzak
OINARRIZKO LH ZIKLOA
15 urte beteta
Baldintza akademikoak:
- Derrigorrezko Bigarren Hezkuntzako hirugarren maila egina izatea. Salbuespen gisa, DBHko bigarren ikasturtea egina izan daiteke.
- DBHko ikastetxeko irakasle-taldeak proposatzen die prestakuntza hori familiei.
ERDI - MAILAKO LH ZIKLOA
17 urte beteta (2 sarbide mota)
Aurretiko titulazioak:
Oinarrizko lanbide-titulua
DBHko titulua
LHko erdi-mailako edo goi-mailako beste titulu bat
Batxilergoko titulua
Unibertsitate-titulua
Sarbide-proba:
Hiru zati ditu: soziala, linguistikoa eta zientifiko-teknologikoa
Erdi-mailako heziketa-zikloetara sartzeko probaren egitura
GOI - MAILAKO LH ZIKLOA
19 urte beteta (2 sarbide mota)
Aurretiko titulazioak:
LHko erdi-mailako edo goi-mailako beste titulu bat
Batxilergoko titulua
Unibertsitate-titulua
Sarbide-proba:
Bi zati ditu: komuna eta espezifikoa.
Atal espezifikoa egiteko, hiru aukeren artean aukeratu behar da: A, B eta C. Aukera bakoitzak lanbide-arlo desberdinetako goi-mailako heziketa-zikloetarako sarbidea zehazten duten jakintzagaiak biltzen ditu.
LHko zikloetan sartzeko proben tip orokorrak
- Izen-ematea urtarrilean eta otsailean egingo da
- LHn sartzeko probak apirilean egiten dira
- Hautagaiak probako hizkuntza aukeratzen du (euskara edo gaztelania)
- Probaren azken nota kalkulatzeko, zati bakoitzean gutxienez lau puntu lortu beharko dira, eta horien batez besteko aritmetikoa izango da
- Estatu osoan dute balioa
- Salbuespen partzialak edo erabatekoak aurreikusten dira lan-esperientziagatik edo beste proba batzuk gainditu izanagatik, hala nola unibertsitaterako 25 urtetik gorakoena
Izena emateko epeak
Ikastetxean aurrez aurreko modalitate osoan Erdi edo Goi Mailako ziklo batean, Eskaintza Partzialean eta Espezializazio Ikastaroetan matrikula egiteko, honako fase hauek hartu behar dituzu kontuan
Sarrera kupoak
EMHZ
Erdi – Mailako Heziketa Zikloetan 25 plaza egongo dira gehienez.
Errepikatzaileek lehentasuna izango dute, eta horiek okupatzen dituzten plazak plaza guztien kopuruari kenduko zaizkio.
Honela banatuko dira plazak:
- Plazen % 5 eskaeraren egunean % 33ko edo gehiagoko aniztasun funtzionala egiaztatzen duten pertsonentzat erreserbatuko dira
- Plazen % 5 goi-mailako kirolarientzat erreserbatuko dira
- Plazen gainerako % 90 honela banatuko dira:
- % 65 DBHko titulua dutenentzat
- % 20 Oinarrizko Lanbide Heziketaren titulua eskuratu dutenentzat
- % 15 Erdi edo Goi – Mailako heziketa zikloetara edo Unibertsitatera sartzeko probak gainditu dituztenentzat edo 1147/2011 Errege Dekretuaren baldintzak betetzen dituztenentzat
GMHZ
Goi – Mailako Heziketa Zikloetan 25 plaza egongo dira gehienez.
Errepikatzaileek lehentasuna izango dute, eta horiek okupatzen dituzten plazak plaza guztien kopuruari kenduko zaizkio.
Honela banatuko dira plazak:
- Plazen % 5 eskaeraren egunean % 33ko edo gehiagoko aniztasun funtzionala egiaztatzen duten pertsonentzat erreserbatuko dira
- Plazen % 5 Goi – Mailako kirolarientzat erreserbatuko dira
- Plazen gainerako % 90 honela banatuko dira:
- % 60 Batxilergoko titulua dutenentzat
- % 20 Teknikari titulua eskuratu dutenentzat
- % 20 dagokion sarrera-proba edo 25 urtetik gorakoentzako sarrera-proba gainditu dutenentzat, 1147/2011 Errege Dekretuaren baldintzak betetzen dituztenentzat, edo beste Goi Mailako titulu bat edo unibertsitateko titulua dutenentzat
Kontuan hartu plaza kopuru mugatua eskaintzen dela eta hauek batez besteko noten arabera eta Erdi Mailako zein Goi Mailako sarrera kupoen arabera ematen direla.
