Hitzarmenaren hasiera: 2014ko iraila
– gaur egun
- Pajares, 34 48980 SANTURTZI
- 94 493 84 00
- ikaslan@ikaslan.net
FP/Parke
Lanbide Heziketaren eta enpresa teknologikoen arteko loturak sortzeko zein Lanbide Heziketa publikoa garapenaren eta berrikuntzaren buru izateko konpromisoaren barruan, Ikaslanek hitzarmen bat sinatu zuen Euskadiko Parke Teknologikoen Sarearekin 2014an, lankidetza-espazioak sortzeko asmoz. 2017an hasita, sare horiek urtero antolatzen dituzte Esperientziaren Foroak, eta 2021ean, 5. ediziorako, FP/Parke izendatu zituzten foro hauek.
Ekitaldi horietan, parke teknologikoen sarea osatzen duten enpresek beren jarduera eta giza baliabideen esparruko beharrak erakusten dizkiete DBHko ikasleei, eta LHk mota horretako profilak kontratatzeak eskaintzen dituen aukerak erakusten dizkio industriari. Era berean, ikasleek ikasgelan egin beharreko hainbat erronka jasotzen dituzte, egungo produkzio-sarearentzat ezinbestekoak diren zeharkako gaitasunak garatzeko. I. Foroak 200 ikasle hartu zituen guztira, eta kopuru horrek gora egin du urteetan zehar, 2022an 1.200 ikasle baino gehiago izatera iritsi arte.
I. Esperientziaren Foroaren data: 2017ko martxoa
- DBHko ikasleek bokazio zientifiko-teknologikoekiko duten interesa piztea, eta industria-sektoreak horrelako profilen eskaera handia duela LHri helaraztea.
- Ziklo zientifiko eta teknologikoetan gutxiengo diren emakumezko ikasleen matrikulazioa sustatzea, esparru horietako zikloetan berdintasun handiagoa lortzeko.
- Lankidetza-espazioak sortzea, enpresak LHrekin konektatzeko eta euskal produkzio-sareak dituen premia larrienak erakusteko.
- Sektorean lan egin duten ikasle ohien esperientziak partekatzea, DBHko ikasketak amaitzen dituzten ikasleei informazioa emateko eta etorkizuneko ikasketak hautatzeko prozesuan eragiteko.
FP/PARKE foroa
Ezagutu itzazu aurreko urteetako LH/Parke Foroen edukiak eta hurrengo ediziotaz jabetu webgune honetan.
