Joan den maiatzaren 9an, Norvegiako Stavanger herrian bildu ziren Ikaslan Bizkaia elkarteko kideak, WISE, Working in Soft Skills for Employment nazioarteko proiektuaren barruan, Jatta Upper Secondary School ikastetxean. Bilera horren helburuak, Norvegiako Lanbide Heziketaren sistema ezagutzea eta Europako hezkuntza-erakundeen arteko jardunbide egokien trukeari jarraipena ematea izan ziren.
Maiatzaren 9tik 10era bitartean, Norvegiako hego-mendebaldean dagoen hiri tipiko batean, Ikaslan Bizkaiaren eta Norvegiako, Jåttå Videregående Skole, Lanbide Heziketako Ikastegiaren arteko topaketa izan da, WISE Proiektuaren barruan. Horren bidez, amaiera eman nahi izan zaio proiektuan parte hartu duten prestakuntza-arloko bederatzi erakundeekin egindako bilera-sortari.
Oraingoan, Ikaslan Norvegiako herrialdera joan da, eta bertatik bertara ezagutu ahal izan du nola kudeatzen eta funtzionatzen duen Norvegiako lanbide-heziketako hezkuntza-sistemak, bi egunetan banatutako jardueren agenda batean.
Topaketari hasiera emateko, ikastetxeko instalazioetatik bira egin zen, eta, bertan, azpiegiturak ikusi, prestakuntza-eskaintza ezagutu eta hainbat ikasle hezkuntza-ingurunean bertan ikusi ahal izan ziren, lanbide-heziketa nola lantzen eta kudeatzen duten ikusteko. Horren ostean, jardunaldiak bilera batekin jarraitu zuen, non Norvegiako Lanbide Heziketako sistemaren ezaugarri garrantzitsuenak eta haren ikaskuntza- eta prestakuntza-sistema aurkeztu ziren. Project management bezalako gaiak ere jorratu ziren, proiektuaren bilakaera eta lortutako emaitzak, eta trebetasun bigunak herrialde desberdinetan nola bideratzen diren.
WISE nazioarteko proiektua, Europar Batasunak diruz lagundua, Erasmus+ programaren barruan dago, 2. Ekintza gakoaren barruan: Erakundeen eta erakundeen arteko lankidetza. Europako hezkuntza-erakundeen artean jardunbide egokiak trukatzea da, enplegurako gizarte-trebetasunak transferitzeko moduak bilatzen dituztenak, batez ere Lanbide Heziketaren hastapenetan. Helburua, Europako Lanbide Heziketa ikastetxeei laguntzea izan da, ikasleen enplegagarritasunerako funtsezkoak diren pertsonen arteko gaitasunak garatzeko estrategiak partekatzeko.
Azken topaketa honekin, Ikaslanek, WISE proiektuko kide den aldetik, amaiera eman dio programari, urte eta erdiko jardueraren ondoren. Bertan, ikasleen enplegagarritasun-maila hobetzeko beharrezkoak diren ikasgelan gizarte-trebetasunak eskuratzeari buruzko ikuspegiak, orientazioak eta esperientziak partekatu dira.
